Maxfiylik siyosati
Bu hujjat ilmlan qanday shaxsiy maʼlumot yigʻishini, nima uchun ishlatishini, kimga koʻrsatishini va qancha saqlashini tushuntiradi. Uni sodda tilda yozdik. Platformadan foydalanish qoidalari — Foydalanish shartlarida.
1. Maʼlumotni kim qayta ishlaydi
Maʼlumotlarni ilm.im taʼlim ekotizimi operatori qayta ishlaydi. ilmlan — shu ekotizimning bir qismi va bitta ilm.im hisobidan foydalanadi. Aloqa: support@ilm.im
Maʼlumotlar Oʻzbekiston Respublikasining shaxsga doir maʼlumotlar toʻgʻrisidagi qonunchiligiga muvofiq qayta ishlanadi.
2. Qanday maʼlumot yigʻiladi
2.1. Siz beradigan maʼlumot
| Maʼlumot | Qachon |
|---|---|
| Ism / username, elektron pochta, parol | Roʻyxatdan oʻtishda |
| Google akkaunt maʼlumoti (ism, pochta, rasm) | Google orqali kirganda — ixtiyoriy |
| Profil rasmi va qoʻshimcha maʼlumotlar | Profilni toʻldirganda — ixtiyoriy |
| Telefon raqam (SMS kod bilan tasdiqlanadi), dars mavzusi, qulay vaqt | Ustoz bilan darsga bron yoki guruh oqimiga yozilish yuborganda |
| Savollar, izohlar, kurs sharhlari va baholar | Ularni yozganingizda |
2.2. Oʻqish jarayonida hosil boʻladigan maʼlumot
- Yozilgan kurslar, tugatilgan darslar, kurs progressi, Nur ballari va seriya (streak).
- Video qayerda toʻxtagani (pozitsiya), qurilma turi (telefon / planshet / kompyuter) va vaqti — boshqa qurilmada shu joydan davom ettirish uchun.
- Oʻqish vaqti (video haqiqatan oʻynagan daqiqalar) — kunlik maqsad uchun.
- Darsni birinchi ochgan vaqt — «darsni tugatish» qoidasi uchun.
2.3. Texnik maʼlumot
- IP manzil, brauzer va qurilma turi, operatsion tizim.
- Kirishlar va dars videosini ochish soʻrovlari jurnali — xavfsizlik va suiisteʼmolni aniqlash uchun.
- Xatolik maʼlumotlari.
3. Nima uchun ishlatiladi
- Xizmatni koʻrsatish: akkaunt, kurslarga kirish, video, progress, bronlar.
- Shaxsiylashtirish: sizga mos kurslar, «davom ettirish», kunlik maqsad.
- Aloqa: tasdiqlash kodlari, bron holati, muhim xabarlar.
- Kontentni himoya qilish: pullik videolardagi shaxsiy belgi, ruxsatsiz tarqatishni aniqlash.
- Xavfsizlik: akkauntni birgalikda ishlatish, avtomatik hujum va suiisteʼmolning oldini olish.
- Yaxshilash: qaysi funksiya ishlatilishini tushunish — anonimlashtirilgan holda.
Maʼlumotlaringizni sotmaymiz va reklama maqsadida uchinchi shaxslarga bermaymiz.
4. Huquqiy asos
- Shartnomani bajarish — akkaunt, kurslar, video, bron.
- Sizning roziligingiz — roʻyxatdan oʻtish va kirishda berilgan rozilik, ixtiyoriy maydonlar. Rozilikni qaytarib olish uchun akkauntni oʻchirishingiz yoki bizga yozishingiz mumkin.
- Qonuniy manfaat — xavfsizlik, mualliflik huquqini himoya qilish, xizmat sifati.
- Qonun talabi — vakolatli organlarning qonuniy soʻrovlari, buxgalteriya hujjatlari.
5. Maʼlumotingizni kim koʻradi
- Ustoz — oʻz kursiga yozilgan oʻquvchilarning ismi, kursdagi progressi, savollari va sharhlari; bron yuborganingizda — bron maʼlumotlari.
- Boshqa foydalanuvchilar — siz yozgan savol, izoh va sharhlar ismingiz bilan.
- Oʻquv markaz — faqat uning guruh oqimiga yozilsangiz, shu yozilish maʼlumoti.
- Biz — faqat vazifa uchun zarur boʻlgan hajmda, cheklangan xodimlar.
6. Video himoya belgisi
Pullik kurs videosi ustida akkauntingizga biriktirilgan qisqa, takrorlanmas kod koʻrinadi (masalan, K7M2QX). Unda ism, pochta yoki telefon yoʻq — kodni akkaunt bilan faqat biz bogʻlay olamiz.
- Belgi sizning qurilmangizda chiziladi va faqat sizga koʻrinadi.
- Kod bir marta yaratiladi va akkauntingizga bogʻlanadi; boshqa maʼlumot yigʻilmaydi.
- Video ruxsatsiz tarqatilsa, belgi orqali akkaunt aniqlanadi va Foydalanish shartlarining 7-boʻlimi qoʻllaniladi.
7. Uchinchi tomon xizmatlari
| Xizmat | Nima uchun |
|---|---|
| Vercel | Saytni joylashtirish (hosting) |
| Supabase (PostgreSQL) | Maʼlumotlar bazasi |
| Bunny.net (Bunny Stream) | Dars videolarini saqlash, qayta kodlash va uzatish. Video koʻrganingizda IP manzilingiz va video soʻrovlari Bunny serverlariga boradi. |
| Cloudflare R2 | Rasm va fayllarni saqlash |
| Resend | Elektron pochta yuborish |
| Eskiz (SMS) | Telefon raqamini tasdiqlash kodi (bron va guruh oqimi uchun) |
| Google OAuth | Google orqali kirish — ixtiyoriy |
Har bir xizmatga faqat oʻz vazifasi uchun zarur maʼlumot beriladi.
8. Maʼlumotlar qayerda saqlanadi
Yuqoridagi xizmatlarning serverlari Oʻzbekistondan tashqarida joylashgan boʻlishi mumkin. Maʼlumotlar uzatishda shifrlanadi va faqat shu siyosatda yozilgan maqsadlarda ishlatiladi.
10. Qancha vaqt saqlanadi
| Maʼlumot | Muddat |
|---|---|
| Akkaunt, kurslar, progress, video pozitsiyasi | Akkaunt oʻchirilgunga qadar |
| Savol, izoh va sharhlar | Oʻzingiz oʻchirgunga yoki akkaunt oʻchirilgunga qadar |
| Shartlarga rozilik qaydi | Akkaunt oʻchirilgandan keyin ham qonun talab qilgan muddatgacha (nizo boʻlsa dalil sifatida) |
| Texnik jurnallar | 90 kungacha |
11. Xavfsizlik
- Barcha aloqa HTTPS orqali shifrlanadi.
- Parollar ochiq holda saqlanmaydi — faqat qaytarib boʻlmaydigan hash koʻrinishida.
- Video havolalari vaqtinchalik va imzolangan — ularni koʻchirib boshqaga berib boʻlmaydi.
- Maʼlumotlar bazasiga kirish cheklangan va nazorat qilinadi.
Internetda mutlaq xavfsizlik yoʻq. Maʼlumot sizib chiqsa, taʼsirlangan foydalanuvchilarni va vakolatli organni qonun talab qilgan muddatda xabardor qilamiz.
12. Bolalar maʼlumoti
16 yoshgacha boʻlgan shaxs xizmatdan faqat ota-onasi yoki qonuniy vakili roziligi bilan foydalanadi. Roziliksiz yigʻilgan maʼlumotni bilsak, uni oʻchiramiz.
13. Sizning huquqlaringiz
- Bilish — sizda qanday maʼlumot borligini soʻrash.
- Tuzatish — notoʻgʻri maʼlumotni oʻzgartirish (koʻpini «Profilim» da oʻzingiz qilasiz).
- Oʻchirish — akkauntni «Profilim» sahifasidan oʻchirish. Bu butun ilm.im hisobini oʻchiradi.
- Roziligni qaytarib olish — ixtiyoriy maʼlumotlar boʻyicha.
Soʻrov: support@ilm.im — odatda 3 ish kuni ichida javob beramiz.
14. Siyosat oʻzgarishi
Muhim oʻzgarishlar kuchga kirishidan kamida 7 kun oldin eʼlon qilinadi va keyingi kirishda rozilik qayta soʻraladi.